منتديات المالكي
اهلا وسهلا بكم في منتديات المالكي Very Happy
منتديات المالكي
اهلا وسهلا بكم في منتديات المالكي Very Happy
منتديات المالكي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةالرئيسية  التسجيلالتسجيل  دخولدخول  
اخر الاخبار

 

 يازيــــن الطفرة يا حموودي >> على اسمي

اذهب الى الأسفل 
كاتب الموضوعرسالة
حمودي
المدير العام
المدير العام
حمودي

عدد المساهمات : 158
تاريخ التسجيل : 23/09/2010
العمر : 31
الموقع : mradkli.alafdal.net

يازيــــن الطفرة يا حموودي >> على اسمي Empty
مُساهمةموضوع: يازيــــن الطفرة يا حموودي >> على اسمي   يازيــــن الطفرة يا حموودي >> على اسمي Emptyالخميس مايو 12, 2011 4:34 pm

الســـــــــــــــــــــــــلام عليكم

لقد انني جيت << اول شي هذي محفوظه لي

ثاني شـي ترآ ذآ القصه انا قايلها لكم انتم بس< حافظها بالعدد .......

:
:


في يومً مطير والشمس المشرقه تلأ تلأ من فوق النجوم والسماء البارده والسحاب الاخضر يغطي شعاع النجوم وحين يكثر الهرج داخل الخيمه المظلمه وسط الكثبان الرمليه... تلقون هناك واحد اسمه حمووودي يلهو داخل الخيمه يسطر هذ1 ويفضخ هذا ويطارح هذاك ودايما تلقاه مجلود هذا انا :
لايغركم اني اتسطر بس والله اني قوي
ومن يوم رجعنا من كشتتنا اللي نسيت احداثها عقب الفلقه اللي تعرضت لها بالطريق اثناء عودتنا
اول مادخلت محطوط على راسي شاش من كثر الدمان اللي تصب منه جلست امي جمبي وقالت وانت ماتجي الا مفلوق لعنبو دارك وراء ماتركد ؟ قلت اوماااه لقد غدرو فيني والله لو انهم جايني واحد واحد لوبخهم بس الكثرة تغلب الشجاعه وردت علي امي وهي تهزهز راسها الا ليت الشباب يعود يوما واسطر من يسطر حمووودي
قلت مايخالف قولي لبوي يشتري لي سياره ابي اكشت مثل الناس ودقت هذه الوالده الشجاعه صدرها وقالت تم وانا امك لعنبوه زوج مايلبي طلبات زوجته قلت اايه يابعد حيي هذي امي يالبى قلبك عليك بابوي واذا لف ودار عليك علميني بس والله لعلمك انه يشيش<--
قالت بكره المفاتيح جمب بوكك وانا انقز من الفرحه : واشغل التلفزيون وارقص على اي شي فيه كان فيه لبيك اسلام البطوله كلنا نفدي الحماء <--
واطلع للشارع وانا طايرن من الفرحه والقاهم مفرقين يبون يلعبون كوره قلت فرقوني قالو انقلع بس مابقى الا هي قلت ابوي يبي يشتري لي سياره ويحطوني راس حربه قلت تمام اضيع هجمات ولا يقولون لي شي
هههههههههههههههههههههههه
يوم خلصنا كوره ويباشرون لي شرو لي سفن اب قلت وادي ابكي لين مايبقى دموع ودي اشكي لين مايبقى هموم << مالها دخل بس طرت على بالي
رجعت للبيت متموصع عقب لعب كوره ودوران الين الساعه ثنعش بالليل
يوم جيت لقيت امي متغطيه بفروتي ونايمه على الدرج
قلت وين يامي العزيزه وش فيك ؟
قالت ابوك كرشني
قال بعد تبين سيارة للخبل
قلت بعد زين الطبايع جايتن كذا تقولينه له ماعندك اسلوب ؟؟
واطق على ابوي قلت يابوحمووودي افتح ابيك بسالفه<-- شف الاسلوب
هههههههههههههههههههه
ويفتح قلت وش دعوى ترا لو تروح وترجع ماتلقى اطلق من امي
قال كل تبن انت وامك
قلت كل تبن انت كلش الا امي
ويسطرني
قلت مايخالف المهم اني دافعت عن امي
والله ويحن قليبه ويدخلنا
ولا اشوف الدرب رحت نمت عقب لعب الكوره وتسطير ابوي
واجلس بفراشي اهوجس قلت انا ليه ماشتغل واجيب فلوس واصير قوي <
قلت خلاص اذا قمت الفجر باخذ شهادة الثانويه وشهادة حسن سيرة وسلوك وبروح ادور لي وظيفه يوم قمت رحت للشارع بوقف لموزين ويوقف عندي راعي كابرس قديم شنب قلت هلا صبحك بالخير <- قال هلا وغلا بالمزايين كلهم يوم دريت انه شرير
وامشي واخليه ويرجع علي بسيارته واركض ويسرع واقطع الشارع ويدعسني راعي لكززس 460 وانا اطلع لساني كني ميت قلت علشان مايقول لي صلح سيارتي <<دلخ وطفران
وينزل ذاك الشايب اللي يتعكز على عصااه قلت له والله اني ميت والله ماصلح سيارتك قال لا ان شالله طيب قم اوديك للمستشفى قلت على حسابك ؟؟ <---
قال قم واقوم وارز بالمرتبه اللي قدام وهو يسوق يالله يمشي وانا ازود المسجل لاخر شي
قلت يلعن ام السماعات ياشيخ
قال وش اسمك قلت حموووودي
قال وش تدرس فيه قلت متخرج بس مالقيت وظيفه وابوي يسطرني كل يوم
ويضحك قال وش مسوي له قلت ابوي مسوي قوي علينا كل ماجاء سطرني : قال طيب ليه ماتوظف قلت مالقيت قال طيب <-
ورحنا للمستشفى وحطو على رجلي مرهم ولفوها بشاش وركبت معه قال نبي نروح لبيتي نفطر قلت لا ماتقصر بس بروح ادور لي وظيفه <-- خايف قال انا اوظفك عندي بس امش افطر
قلت لايصير هالشايب رآعـي ****** مشفر واروح فيها ((فهمتوووها ))
ونفطر وانواع السوالف ويحط لي انواع الزيتون هذا اخضر وذا فيه بوسطه احمر واللي محشي سمك <-- اوخس ياكذبك
:
:

وياخذ ملفي ويقلبه يمين ويسار قال خلاص بوظفك براتب عشر آلاف وانا اغص
قلت لالالالالالا قال ليه شوي ؟؟ طيب ثنعش
وانا اكح قلت وشو ؟؟
قال ماعجبك اخر شي ولا راح ازيد لك خمس طعش الف
قلت تم لعنبو جدك ياليتك جايني من زمان
واقوم وافصخ ثوبي قال وش تبي تسوي ؟؟ قلت مانيتك كذ1....... ولا فهم وانا اضحك قلت لا بس حر وابي اتبرد شوي
قال من بكره تدوام وعطاني اربع الاالف قال اشتر لك لبس ونظف ضروسك وتعال بكره بالبيت
والله واطلع وسيده على السوق وادق اطلق شي وافصل احسن ثيآب
قلت ياسلام انفتحت بوجهي الدنيا
واشتري لامي خاتم قلت هديه
مسكينه عند هالشرير <- يقصد ابوهـ<----قل احلف
ولا يشتري لها شي
واول يوم اداوم دوامي اسلم شنطه واستلم شنطه وارجع للبيت
ويشتري لي سياره وكل يوم اروح تسعين كيلو عن المدينه والقى سياره ثانيه
اسلمهم شنطه واخذ الشنطه اللي معهم واسلمها له وارجع انام
يعني دوام ساعتين بالكثير
وعلى هالحال سنتين الين صرت معروف بكثرة فلوسي قالت امي ياوليدي نبي نزوجك
قلت شوفي تبون تزوجوني بقول لكم شروطي ابي بنت تشبه برتني سبيرز بخشمها
عيونها عيون زينيب العسكري
وشعرها شعرحنان <-تشتغل بمستشفى دلة ((اخصائية العيون))
وابيها اذا طاح شعرها علي عينها ترفع بيدها اللي يمين اذا رفعته بيدها اليسار مابيها وابي سنونها فيهن فلج وابي فيها غميزات ولها شنطه
قالت ياوليدي هذي اذا لقيتها تزوجتها انا <-- شف الخيانه
لكن شف ياوليدي فيه منى بنت جيراننا فيها فلج ومربربه وشعرها الين رقبتها وحبوبه قلت يوماااه هذا ماهو فلج هذا كسر بالسنون من العام يوم ينطلق عليها غطا القدر الكاتم بعدين يومه هذي كانت تلعب معنا امس ظهير ايمن بالحاره تكفين فكيني منها
ويطق الباب قلت طيب افتح وارجع لك
والقاهم الشرطه قال حمووودي ؟ قلت بعينه وعلمه تبون الشنطه ؟
قال معك الشرطه قلت هاااه وشو وش انا مسوي قالو مطلوب قلت طيب البس ثوبي واجيكم
قال اقول خل هالحركات عنك واركب قدامنا
قلت ياخي ماعلي الاا سروال سنة وفنيله علاق وشلون اركب ؟
قال اقول اركب ويمصعني مع يدي وركبوني غصب ويسجنوني يومين ولا ادري وين انا فيه
يوم جاء اليوم الثالث ويفتحون علي الباب قالو تعال واركض لهم من الفرحه اول مادخلت الغرفه والقى واحد ملقيني ظهره وواقف على الدريشه جمب المكتب .... قال حمووودي
قلت سم طال عمرك قال كم لك سنه تشتغل بالتهريب ؟
قلت وشو تهريبه قسم بالله...قال لي اوووص ولا كلمه لاتحلف ويصفقني بالطفاايه وانا اتلايط
قال تعترف انك تشتغل معهم تودي الشناط وتجيبهم قلت ايه قال كم سنه قلت سنتين واربع شهور قال سلو عليه يالله انقلع قلت بس انا ... ويدفني العسكري للسجن يوم جاء بكره جابوني للظابط نفسه
قال حكمت عليك المحكمه واحد وعشرين سنه سجن
قلت لالالالالالالالالالا<----علقت معاه يحسبها كل مره بت**ط <-- بررآآ
واقعد ارافس واصيح قلت ابي امي ابي ابوي ابي الشايب بلعن والديه

وتمحطني امي بالعقال قالت قم بلا شيبان بلا بطيخ ابوك شرى لك سياره يقول خله يجي يوقع على التعهد اللي تحت انه ما يفحط يوم نقزت ابي اغسل وجهي

وتقومني امي تقول قم ود الغدى للرجال ابوك زعلان <-- هذي الحقيقه الباقيات احلام اليقظه خخخخخخخخ

:

***لحد يحسبني مسووووي كذا باهلي بالعكس احب ابوووي وامــــي بس المخرج الدلخ حمووودي عاوز كده


سلملم....
الرجوع الى أعلى الصفحة اذهب الى الأسفل
https://al-malki.alafdal.net
 
يازيــــن الطفرة يا حموودي >> على اسمي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المالكي :: منتديات المالكي الترفيهية :: الاقلاع والصرقعه-
انتقل الى: